<$BlogRSDURL$>

laugardagur, júní 26, 2004

Á morgun fer ég til Kaupmannahafnar. Ég er ekki búin að pakka.


föstudagur, júní 25, 2004




miðvikudagur, júní 23, 2004

Allt í einu varð ég virkilega leið á blogginu mínu og bloggaði því ekki nema niðurdrepandi pósta í klædda upp sem kaldhæðni. Ég held ég sé komin yfir það núna og get því byrjað endurnærð aftur.

... (tími líður, kapteinn reynir að finna uppá einhverju til að skrifa)

Já ég er sum sé aftur komin með leið á því. Bless bless.


sunnudagur, júní 20, 2004

Það er fátt yndislegra heldur en lífsglaðir og klárir unglingar. Og auðvitað flautan mín.

Ég hef ákveðið að blogga aldrei um neitt nema flautuna mína eða hrossaflugur.


fimmtudagur, júní 17, 2004

Stutt blogg.

Vinnan mín er ótrúlega skemmtileg og ég er með flautu. Stundum flauta ég í hana og þá er ég mjög valdamikil. Ég var að finna búninga í draugalega leikhúsinu sem ég er að vinna í og stóð inni í einhverju hliðarherbergi.Þá heyrði ég svona háan píanótón inni í hinu herberginu og ég kíkti fram, alveg að pissa í mig af hræðslu. Þar stóð gamall maður og horfði reiðilega í kringum sig en sá mig samt ekki. Þá dó ég næstum því og beið eftir að hann fór. Þetta var óhugnalegi leikhúsdraugurinn í Hafnarfjarðarleikhúsinu. En það er ekki það eina hættulega sem hefur gerst fyrir mig undanfarið. Áðan var ég að horfa á Nylon (hvers konar sjónvarpsefni er það? Oj barasta. Ég er viss um að það er eitthvað mun áhugaverðara að gerast á Íslandi heldur en einhverjar fjórar gellur að vera poppstjörnur og gista á fansí smansí stöðum eins og hótel Selfossi?! Vá þetta var bara eitt það ómerkilegasta sem ég hef séð. En hey ég er að tala um eitthvað allt annað en Nylon. Ég var sum sé að horfa á Nylon) þegar ég sá stærðar hrossaflugu fljúga í stofunni. Fyrst hljóp ég fram og kúgaðist en síðan herti ég mig upp og tók blað og leitaði að henni og fann hana og lamdi hana í klessu. Ég setti alla mína reiði og pirring í þessa einu flugu og hún endaði sem ein kramin og ógeðsleg hrossafluga. Allan Nylonþáttinn fylgdist ég með henni með öðru auganu svo að hún myndi ekki lifna við og hefna sín með vinkonum sínum.


Svona flautu er ég með í vinnunni.

Stutta bloggið um flautuna varð of langt og ég talaði um hrossafluguna sem ég ætlaði alls ekki að tala um því að það er ekki neitt merkilegt og eiginlega bara asnalegt.

Lífið er ótrúlega fallegt og skemmtilegt og ég vil segja: Finnur! Þú ert yndislegur.

föstudagur, júní 11, 2004

Pretty please with sugar on top.

Já vinnan mín er yndisleg og felst aðallega í því að vera í sólbaði, róta í búningageymslu Hafnarfjarðarleikhússins og spjalla um lífið og tilveruna.
Um daginn horfði ég á Pulp Fiction í fjórtánhundruðasta skiptið og líkaði vel eins og alltaf. Nú, til þess að rannsaka hvaða áhrif Pulp Fiction hefur haft á líf mitt þurfum við að kafa djúpt inn í fortíðina og grafa upp blogg um þegar ég sá hana fyrst. Það hefur verið þann 18. desember 2002 - 18:52. Ég man eftir þessum degi. Það voru alveg að koma jól og fjölskyldan mín var að gera laufabrauð. Þetta hafði Katrín 2002 árgerðin að segja um þennan vendipunkt í lífi sínu:

Ég sá Pulp Fiction um daginn með góðvinkonu minni Þóru. Alveg hreint rosalega góð mynd. Við græddum alveg lóds af einkahúmor á henni. Allra allra besta atriðið var þegar átti að nauðga Bruce Willis og Samuel L. Jackson. Setning myndarinnar var tvímælalaust: "Bring out the gimp!"

Jahá, eftir þessar rannsóknir og sálarköfun getum við áttað okkur betur á staðreyndarvillum í þessum texta. Í fyrsta lagi var ekki verið að nauðga Samuel L. Jackson því að hann var ekki einu sinni á staðnum. Hann var líklega bara að fá sér að borða og slappa af í pásunni sinni. Kannski var hann meira að segja heima hjá sér að elda mat eða sofa hjá konunni sinni. Nóg um það en Ving Rhames var maðurinn sem var nauðgað. Í öðru lagi var Ving Rhames ekki nauðgað (eða vonandi ekki) heldur Marsellus Wallace.

Ég hef ekki tíma í að skrifa um svona tilgangslausa hluti. Ég er að fara að vera mikilvæg og fara í leiðangur til að gera heiminn betri.


þriðjudagur, júní 08, 2004

Halló. Lífið mitt er ótrúlega spennandi og ég er alltaf að gera eitthvað skemmtilegt og gefandi. Í gær hitti ég alla vini mína og það var ótrúlega skemmtilegt. Aumingja þeir sem fá aldrei að hitta mig því ég er alveg hrikalega intresant persónuleiki og líka alveg gullfalleg. Vá ég vil bara segja að ég hef aldrei verið hamingjusamari á ævinni og fjölskylduböndin eru sterkari en nokkru sinni fyrr.

Mig langaði bara aðeins að koma þessum tilgangslausu upplýsingum á framfæri.

Gubb.


mánudagur, júní 07, 2004

Fréttahornið:
DV segir að Harry Potter hafi óverdósað af heróíni. Þessi "frétt" gerði vinnudaginn minn leiðinlegan. Aumingja börnin sem verða svo fræg og eiga alltof mikið af peningum og fá aldrei að upplifa það að vera bara börn.

O.C. hornið:
Ég ætla að giftast Seth Cohen. Mér er alveg sama hvort að Ragnheiður Sturlu ætli líka að giftast honum. Það er eitt sem ég lærði í stærðfræði í grunnskóla. Ég get, ég ætla og ég skal. Virkaði reyndar aldrei neitt sérstaklega vel þá.

Blogghornið:
Ég elska blogg. Þegar ég hef ekkert að gera les ég bara blogg og þar af leiðandi veit ég margt og mikið um alla sem eru með blogg.
Skilaboð til bloggara: Finnst þér þú vera að blogga út í loftið? Kommentar aldrei neinn á síðuna þína? Engar áhyggjur. Ég les hana en ég þori bara ekki alltaf að kommenta. Afhverju? Því ég er með kommentus Rexius-sjúkdóminn sem heitir á íslensku kommentakomplexar.

(Hljóð eins og kemur í myndum þegar strákurinn og stelpan eru alveg að fara að njóta ásta en mamman kemur inn)

Afsakið ég get bara ekki hugsað um neitt annað en aumingja Harry Potter (hann og Seth en ég hef ákveðið að hlífa ykkur...í þetta sinn). En ég hugsa ekki bara um Harry Potter heldur líka Seth...nei ég meina....ööhh..börnin! Já litlu Harry Potter börnin.

Fyrsta afleiðing:

Ýmir Þór er að leika sér með Harry Potter dúkkuna sína (í heimi þar sem eru til Harry Potter dúkkur). Eldar Örn kemur með nýjasta eintakið af DV.

Eldar Örn: Sjáðu Ýmir Þór. Harry Potter tók of stóran skammt af heróíni.
Ýmir Þór: Vá í alvöru? Má ég sjá? (Þeir rýna báðir einbeittir í blaðið)
Eldar Örn: Mig langar að vera alveg eins og Harry Potter og taka heróín. En þú Ýmir Þór?
Ýmir Þór: Já, æji ég veit samt ekki alveg með heróínið en ég veit bara að sannfæringin segir mér að vera eins og Harry Potter. Líka auglýsingarnar en við erum einmitt á þeim aldri þar sem við erum einna meðtækilegastir Eldar Örn.
Eldar Örn: Sjitt í alvöru? Ég sem keypti einn skammt af heróíni hjá illa kaupmanninum á horninu.
Ýmir Þór: Barnið vex en brókin ekki Eldar Örn. Við hljótum að geta tekið heróín ef að Harry Potter getur það. Er það ekki? Að minnsta kosti segir íþróttaálfurinn það.
Eldar Örn: Já það er rétt. Hérna sprautaðu mig bara í bossann.
Ýmir Þór: Ókei, vingardíum levíósa (og Ýmir Þór sprautar Eldar Örn í rassinn). Nú ég! (og Eldar Örn sprautar Ýmir Þór á móti)
Eldar Örn: Það er ekki levíÓÓÓÓsa, það er leviíóSAAA. Hahahaha ég er í vímu. Þú ert besti vinur minn og mig langar að hafa mök við Sollu stirðu.
Ýmir Þór: Já maður hún er fææææææææn dama.

14 mínútum síðar liggja bæði Eldar Örn og Ýmir Þór á baðherbergisgólfinu, látnir.

Önnur afleiðing:

Það er alsherjarþing Leikbæjar og allir fremstu leikfangarisar heimsins eru saman komnir til að ræða nýjasta hittið í bransanum sem fulltrúar Íslands fengu hugmyndina af. Annar þeirra, Guðjón, er faðir Ýmis Þórs. Hann tekur fyrst til máls:

Guðjón: Kæru herramenn og frúr. Mig langar að segja ykkur frá fjölskylduharmleik mínum. Sonur minn, Ýmir Þór, lést síðastliðið
sumar þegar hann sprautaði sig með heróíni ásamt vini sínum. Þetta gerðist í framhaldi af frétt sem birtist í DV um að Herra Potter hefði óverdósað
(Guðjón leyfir sér að sletta vegna þess að fjöldamargir erlendir fulltrúar eru staddir í salnum. Hann notar jafnframt tækifærið og lítur ábyrgðarfullum en sorgmæddum augum um salinn til að kanna viðbrögð). Eftir þetta hét ég syni mínum, blessuð sé minning hans , konu minni, Hönnu Margréti og síðast en ekki síst sjálfum mér (hann tekur sér öndunarpásu og andar djúpt og karlmannlega) að berjast með réttlætið að vopni og útrýma atvikum sem þessum, sem eru, að mínu mati, alltof tíð hér á landi og víðar. Þess vegna kynni ég nýjasta Harry Potter leikfangið og jafnframt það öruggasta hingað til: Sprautufíkillinn Harry eða Harry: The Drugaddict. Þetta er Harry Potter akjónmaður með sprautu sem er áfyllanleg, heróínpoka, sjálfsmorðsbréf sem er endurskrifanlegt svo að börnin geti látið ímyndunaraflið ráða og hin sívinsæla G673 skammbyssu.
(Salurinn klappar, gagntekin af hrifningu).
Félagi Guðjóns, Baldur tekur við og kynnir aðra fylgihluti:
Baldur: Síðan erum við líka að kynna hérna nýju og endurbættu Hermione: Skítuga hóran eða Hermione: The dirty whore. Með henni fylgja bréf jákvætt alnæmispróf, skítugar nærbuxur, ónýtar getnaðarvarnir og málningardót. Guðjón?
Guðjón: Takk Baldur. Kæru ráðstefnugestir. Með hverri einustu dúkku fylgir lítill bækningur um hvernig nota skal sprautuna og aðra fylgihluti nákvæmlega eins og í raunveruleikanum. Og ég segi við sjálfan mig. Mér tókst það. Mér tókst að leggja hönd á plóg við að berjast gegn fíkniefnadýrkun barna og unglinga. Síðasta sumar kenndi mér margt, meðal annars það að maður getur ekki bara staðið og beðið eftir að fólk geri hlutina fyrir sig, maður verður að gera það sjálfur. Takk. (Guðjón gefur fingurkoss út í salinn og lemur tvisvar á brjóstkassann sinn. Sinfónían byrjar að spila, fulltrúarnir standa upp og klappa fyrir hugsjónum, fyrir ást og fyrir börnunum sum munu gleypa við þessu. Allir eru með tár í augnum. Guðjón labbar niður í salinn og kyssir konuna sína og tekur upp nýja ættleidda barnið þeirra. Hann lyftir því eins og Simba í Lion King og leikfangarisarnir beygja höfuð sín í lotningu fyrir erfingja ríkisins.)

Svona endaði sagan af Ými Þór og Guðjóni pabba hans sem sá allt það sem hann vildi verða í syni sínum og skírði hann þess vegna artí nafni og græddi ótrúlega mikið á dauða hans. Ári eftir að nýju Harry Potter leikföngin komust á markað voru helmingur barna í heiminum dáin vegna heróíns en hinn helmingurinn hékk á bláþræði í fíkn sinni. Næsta kynslóð átti eftir að verða stökkbreytt og útrýma sér og plánetunni okkar.

Svo að skilaboðin sem ég kalla örvæntingarfullt út í nóttina eru:

Harry sjáðu að þér og láttu þér batna!


sunnudagur, júní 06, 2004

Í gær var haldið upp á tvítugsafmæli Erlu Elíasdóttur í góðum félagsskap. Og þó að íspinnarnir mínir hafi bráðnað í töskunni minni og Birna virtist ekki ætla að tjá sig með neinu öðru en látbragðsleik rættist auðvitað úr því þegar lengra dró á kvöldið.

Skilaboð dagsins: Til hamingju með afmælið elsku Erla mín. Allt er tvítugum fært (ef þeir bursta tennurnar reglulega).

Select-klúbburinn er að sprengja utan af sér titilinn með öflugum félagsfundum og opinberum aðgerðum. Heimasíða Select-klúbbsins hefur verið stofnuð á þessari slóð en mun auðvitað verða mun innihaldsríkari og fróðlegri þegar tími gefst.



Ég fór að taka viðtöl við kandidata í listahópinn og það var hræðilegt að upplifa bara nákvæmlega hversu tómar og innihaldslausar unglingsstúlkur Hafnafjarðar eru. Mig langaði að brynna músum.
En samt sem áður verður þetta án efa alveg ótrúlega skemmtileg sumarvinna því að auðvitað leynast gullmolar í Hafnarfirði alveg eins og alls staðar annars staðar. Ójá.

fimmtudagur, júní 03, 2004

TILKYNNING:

Loksins hefur það verið gert formlegt og skriflegt. Select-klúbburinn hefur verið starfræktur undir fölsku flaggi, svo sem hungur, mikilvægir leikfélagsfundir eða holdgervingur vináttu en nú, herrar mínir og frúr, er annað uppi á teningnum. Nú verða þessar næturferðir í leit að æti og félagsskap ekkert annað en formlegir fundir í Select-klúbbnum.



Reglugerð Select-klúbbsins.

1. Af samgöngutækjum:
1.1. Eini ásættanlegi fararskjóti fyrir þessar ferðir eru bifreiðir.
1.2. Farþegum tilfallandi samgöngutækis ber að gæta ítrustu varúðar þegar við kemur umgengni og hegðun innan bifreiðar. Kartöflusalat í sætisáklæði eða laust bílbelti getur varðað brottrekstri og sekt.
1.3. Farþegum tilfallandi samgöngutækis ber að slá saman í sjóð, hér með kallaður Hinn Opinberi Eldsneytissjóður, ef eldsneyti á bifreið vantar og skipta bróðurlega á milli sín kosnaði.

2. Af almennum réttindum meðlima:
2.1. Meðlimur, burt séð frá heildartíma hans í klúbbnum eða valdastöðu, hefur alltaf rétt til að hafna Selectferð hvort sem það er til að halda áfram svefni eða öðrum persónulegum gjörðum. Hins vegar hafa aðrir meðlimir rétt til þess að bæði vekja meðlimi á næturnar og nöldra í neitandi meðlimum.
2.2. Einungis Hæstvirtur Formaður og Hæstvirtur Aðalbílstjóri hafa rétt til að reka meðlimi eða ákvarða tilkallandi refsingar fyrir háa neitunartíðni eða brot á reglum.
2.3. Vígsluathöfn fer fram á Selectútibúi næst heimili hins vígða og verður sá vígði að ákveða Select-nafnbót sína ásamt einkennispulsu.

3. Af helstu valdastöðum:
3.1. Formaður Select-klúbbsins er sjálfskipaður hverju sinni og nýr formaður verður ekki skipaður að nýju fyrr en þáverandi formaður lætur af störfum vegna offitu eða flippminnkunnar í hjarta. Fyrsti formaður Select-klúbbsins er Katrín Björgvinsdóttir, MSN: katrinbje@hotmail.com.
3.2. Aðalbílstjóri Select-klúbbsins sér um flutninga til og frá heimilum meðlima og að næsta útibúi. Aðalbílstjóri fer með mestu völdin innan klúbbsins ásamt formanni og þá stöðu skipar Inga Auðbjörg Kristjánsdóttir, MSN: ingaausa@hotmail.com.

4. Af inntökuskilyrðum nýrra meðlima:
4.1. Umsækjandi verður að búa á höfuðborgarsvæðinu (Álftanes er höfuðborgarsvæði).
4.2. Umsækjandi verður að borða kjöt og búa yfir tiltekinni fjárupphæð til að kosta ferðir og æti.
4.3. Umsækjandi verður að vera hlynntur næturbrölti (þó einungis í þeim skilningi sem formaður og aðalbílstjóri leggja í orðið).
4.3. Umsækjandi verður annað hvort að vera tilbúinn í símtöl um nætur eða hafa aðgang að MSN á næturnar.
4.4. Umsækjandi verður að hafa aðgang að að minnsta kosti einum náttbuxum og vera tilbúinn til að fara út á meðal almennings í þeim.
4.5. Umsækjandi verður að uppfylla margs konar önnur skilyrði sem ekki verða tíunduð hérna en uppgötvuð um leið og umsóknir flæða inn.

5. Af kurteisi og virðingu við fyrirtækið Select.
5.1. Aldrei má koma fram við starfsfólk Select af óvirðingu eða ókurteisi.
5.2. Aldrei skal skilja eftir bréfþurrkur, tóm ílát, puslubréf matarafganga eða umbúðir eftir á þar til gerðum borðum verslunarinnar.
5.3. Aldrei skal svindla eða stela nokkru úr Selectútibúi.


Langborgari

Brot á reglunum getur varðað brottrekstri úr Select-klúbbnum og hárri sekt.

Umsóknareyðublöð verður hægt að nálgast von bráðar.

Áður en ég hníg niður af þreytu ætla ég að biðja lesendur um að senda mér senda mér Emil á katrinb@islandia.is hafi þeir áhuga á að vera statistar eða aukaleikarar í sjónvarpsþætti.
Enn fremur skulu síðhærðir karlmenn hafa ítrekað samband við mig í gegnum fyrrnefnda Emilaadressu vilji þeir fá tækifæri til að slá í gegn. Símanúmer skulu fylgja öllum póstum.

Takk fyrir.

miðvikudagur, júní 02, 2004

Nú er afmælisdagurinn liðinn og ég er ennþá átján ára. Í tilefni síhækkandi aldurs míns er tími til kominn að deila reynslu minni með ykkur, minna reyndum lesendum.

Kynlífskrókur Kapteinsins.

1. Lesendabréf:
Kæri Kapteinn.
Það er eitt sem ég skil ekki. Hvernig geta strákar rúnkað sér og verið á MSN á sama tíma?
Þúsund kossar, Ein ráðavillt.

1. svar
Kæra ráðavillt.
Ég hef oftar en einu sinni og oftar en tvisvar lent í samræðum þar sem viðkomandi er að stunda sjálfsfróun á meðan. Með þessa reynslu í fararteskinu ætla ég að hefjast handa og skrifa stutta handbók með leiðbeiningum og hugmyndum um hvernig á að bregðast við svörum eins og þessum eins og alvöru kynveru sæmir:

Katrín says:
hvað ertað gera?
Ónafngreindur says:
rúnka mér

Í svona aðstæðum stoppar hjartað í hinni dæmigerðu úthverfastúlku og fingurinn hætta að hreyfast fimlega yfir lyklaborðið. Hvað getur stúlka sagt? Þetta er hins vegar óþrjótandi fróðleiksbrunnur og ber hverri konu að nýta sér hann svo um munar.

Katrín says:
nú? og hvernig er það?

eða

Katrín says:
lýstu því

Þarna hefur stúlkan sýnt hinu kyninu bakvið tölvuskjáinn áhuga og á þessu augnabliki er tilvalið að koma með uppástungur eins og:

Katrín says:
á ég að hjálpa þér?

og halda áfram að æsa karlmanninn upp með kynferðislegum orðum á borð við "klobbi", "tippi", "mök" eða "sæðisfruma". Einnig er möguleiki á svokölluðum "rituðum hljóðum" eða á latínu "lodos erectus", svo dæmi sé tekið, "AAAAHHHH" eða "OOOOOOHHHH". Þetta æsir karlmanninn upp og hjálpar honum að ljúka sér af.



Eftir reynslu sem þessa hefur konan öðlast mun meira sjálftraust og skilning á líkama karlmannsins og gengur út í lífið öruggari og meira aðlaðandi.



Mikið er ég orðin þroskuð, svona átján ára.

þriðjudagur, júní 01, 2004

Jæja, súrsið mig og kallið mig hrútspung því ég er orðin átján ára, sjálfráða, má fara inn á bjórkvöld, má kaupa bjór eftir áramót og má gifta mig.



Hamingjuóskir berist í síma 8993311.

Inga er yndislegust! Weblog Commenting and Trackback by HaloScan.com